Job Description
Vi søkjer sjukepleiarar til ortopedisk sengepost ved Førde sentralsjukehus:
- 2 x 100 % fast stilling, oppstart etter avtale
- 1 x 50 % fast stilling, oppstart etter avtale
- 1 x 100 % årsvikariat, oppstart etter avtale
Oppgje gjerne i søknaden kva for stilling(ar) du ønskjer å bli vurdert for, og om fleire av dei utlyste stillingane kan vere aktuelle.
Vi tek gjerne imot søknad frå deg som blir ferdig utdanna sjukepleiar til jul 2026.
Arbeidstid
- Stillinga inngår i 3-delt turnus.
- Arbeid kvar tredje helg.
Om avdelinga
Ortopedisk sengepost har over tid jobba målretta med opplærings- og mentorprogram for å gi nytilsette ein trygg og god start. Vi set stor pris på å få nye kollegaer! Avdelinga har ei god blanding av erfarne og nyare pleiarar, noko som bidreg til at det er eit sterkt læringsmiljø og alltid ein kollega som kan hjelpe deg når du treng det.
Ortopedisk sengepost ved Førde sentralsjukehus er ein spennande arbeidsplass med stor pasientvariasjon. Vi held til i moderne og funksjonelle lokale i Livabygget og har om lag 43 årsverk fordelt på sjukepleiarar, hjelpepleiarar/helsefagarbeidarar og assistentar. Hos oss blir du ein del av eit fagmiljø der samarbeid, fagutvikling og pasienttryggleik står sentralt. Vi legg vekt på god opplæring, kunnskapsdeling og støtte i kvardagen, slik at både nyutdanna og erfarne sjukepleiarar skal kjenne seg trygge og utvikle seg fagleg.
Som sjukepleiar ved ortopedisk sengepost får du ein variert arbeidskvardag med pasientar i alle aldrar og eit breitt spekter av ortopediske problemstillingar. Du får arbeide tett saman med ulike faggrupper og vere ein viktig del av pasientforløpet frå innlegging til utskriving.
Ved sengeposten behandlar vi pasientar innan:
- traumatologi
- handkirurgi
- skulderkirurgi
- protesekirurgi – hofte, kne, skulder
- fotkirurgi
- ryggkirurgi
Dette gir deg moglegheit til å byggje brei kompetanse innan ortopedisk sjukepleie i eit aktivt og lærerikt miljø.
Førde - Sunnfjord kommune
Førde er administrasjonssenteret i Sunnfjord kommune og den største byen i tidlegare Sogn og Fjordane fylke. Her finn du flyplass, godt kollektivtilbod og kort veg til både Bergen og Ålesund. Byen har eit breitt tilbod innan handel, kaféar og kultur, med konsertar, arrangement og kunst.
Førde ligg midt i vakker vestlandsnatur, med kort veg til både fjord, fjell og kyst. Her ligg det godt til rette for friluftsliv som fjellturar, ski, sykling og aktivitetar på sjøen.
Les meir om kommunen og kva vi kan tilby deg i regionen vår: Sunnfjord kommune
Arbeidsoppgåver
- Du tek imot pasientar, gjer risikovurderingar og kartlegg hjelpebehov
- Du gir informasjon og opplæring til pasientar og pårørande
- Du gir pre- og postoperativ pleie tilpassa ulike behandlingar
- Du observerer pasientar, gjer triagering og måler vitale parameter
- Du har gruppeleiarfunksjon ved behov
- Du dokumenterer i elektronisk pasientjournal
- Norsk autorisasjon som sjukepleiar
- Gode norskkunnskapar, både munnleg og skriftleg
- Relevant sjukehuserfaring
- Du er fleksibel, strukturert og tek ansvar i arbeidet ditt
- Du er oppteken av god pasientbehandling og ser den enkelte pasienten
- Du trivst med å samarbeide med kollegaer og bidreg til eit godt arbeidsmiljø
- Du er nysgjerrig og trivst i ein variert og til tider travel arbeidskvardag
- Lønn i samsvar med gjeldande overeinskomst
- Gode pensjons- og forsikringsordningar
- Eit inkluderande arbeidsmiljø med tett samarbeid mellom ulike faggrupper
- Eit fagleg sterkt miljø med moglegheiter for utvikling og læring
Vi oppfordrar alle søkjarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.
ArbeidsstedSvanehaugvegen 2
6812 Førde
Nøkkelinformasjon:Arbeidsgiver: Helse Førde
Referansenr.: 5178549225
Stillingsprosent: 100, 50%
Fast, Vikariat
Søknadsfrist: 27.09.2026
Om arbeidsgiveren:
Helse Førde HF har ansvar for spesialisthelsetenestene i Sogn og Fjordane. Føretaket arbeider for å gje pasientar og brukarar eit godt og heilskapeleg tilbod innanfor gjeldande rammer. Helse Førde sine institusjonar og prehospitale tenester er organisert i eit heilskapleg nettverk, og samarbeidet med andre instansar som m.a. kommunane er høgt prioritert. Føretaket har om lag 3 200 tilsette og eit budsjett på ca 4 milliardar kroner og er den største verksemda i Sogn og Fjordane. Forsking og innovasjon er og viktige oppgåver i sjukehuset.
Helseføretaket er eigd av det statlege Helse Vest RHF. Føretaksgruppa i Helse Vest skal spegle mangfaldet i befolkninga i rekrutteringa vår. Vi oppmodar alle som er kvalifiserte til å søkje ledige stillingar uansett kjønn, alder, fleirkulturell bakgrunn eller om du har hatt opphald frå arbeidslivet. Føretaksgruppa i Helse Vest ønskjer å leggje til rette for inkluderande rekruttering.
